Tramp Kapitoliyə hücumla bağlı işə baxan hakimin kənarlaşdırılmasını tələb edəcəyini bildirib
ABŞ-ın keçmiş prezidenti Donald Tramp bildirib ki, o və nümayəndələri DC Federal Məhkəməsinin hakimi Tanya Çatkanın vəzifəsindən kənarlaşdırılmasını, həmçinin 2021-ci ilin yanvarında Vaşinqtonda Kapitoli iğtişaşları ilə bağlı məhkəmə prosesinin yerinin dəyişdirilməsini tələb edəcəklər.
"Bu gülünc azad söz və ədalətli seçki işinə "təyin edilmiş" hakimlə ədalətli mühakimə olunmaq şansım yoxdur" - deyə o, "Truth Social" səhifəsində yazıb.
Çatkan ABŞ Ədliyyə Departamentinin tələbi ilə Trampa avqustun 7-də xüsusi prokurorun ABŞ administrasiyasının keçmiş rəhbərinin hücumla bağlı məlumatı açıq şəkildə paylaşma imkanını məhdudlaşdırmaq tələbinə cavab verməyi əmr edib. Eyni zamanda, hakim ABŞ-ın eks-prezidentinin müdafiə tərəfinin bu müddətin avqustun 10-dək uzadılması barədə vəsatətini rədd edib.
Trampın vəkilləri gecikmənin normal olaraq tələb etdikləri bir vəsatətə cavab vermək üçün verilən 14 gündən az olduğunu bildiriblər. Sənəddə o da vurğulanır ki, Tramp xüsusi prokurorun müraciəti ilə bağlı "xoş niyyətli müzakirələrə" hazırdır.
Prokurorlar Tramp və onun vəkillərinə məhkəmə zamanı əldə edilmiş məlumatları, o cümlədən böyük münsiflər heyətinin stenoqramlarını bu materiallara çıxışına məhkəmə tərəfindən icazə verilməyən insanlara açıqlamasının qarşısını almağı təklif edirlər. Xüsusilə Ədliyyə Departamenti narahatdır ki, sosial şəbəkədəki paylaşımlarında Tramp birbaşa olaraq onun məhkəmələri ilə bağlı hakimləri, vəkilləri və şahidləri ifşa edir. Xüsusi müşavir Jack Smith hesab edir ki, bu, şahidləri susdura və "bu işdə ədalət mühakiməsinin həyata keçirilməsinə zərərli təsir göstərə bilər".
