Almaniyada yağan dolu tələfata səbəb oldu
Almaniyanın Bavariya əyalətində yağan dolu səbəbindən çoxlu heyvan tələf olub, binalara ziyan dəyib.
Alman mətbuatında yer alan xəbərlərə görə, Bavariyada tennis topu böyüklüyündə dolu bir çox heyvanın tələf olmasına və binalara ziyan vurmasına səbəb olub.
Bad Tölz-Volfratshauzen bölgəsində ən azı 18 maral və çoxlu ördək və toyuq tələf olub.
Digər bölgələrdə də 6 leylək öldüyü paylaşılıb.
Dolu bəzi avtomobillərin şüşələrinin də sınmasına səbəb olub.
Almaniya Meteorologiya İdarəsi (DWD) bölgədə dolunun davam edə biləcəyi barədə xəbərdarlıq edib.
