Türkiyə səsdən sürətli raketi uğurla sınaqdan keçirdi
Türkiyənin “Baykar” müdafiə sənayesi şirkəti pilotsuz uçuş aparatından atılan səsdən sürətli İHA-122 raketini ilk dəfə uğurla sınaqdan keçirib.
Bu barədə Roketsan şirkəti X sosial media səhifəsində bildirib. Raket buraxılış nöqtəsindən 55 km məsafədəki hədəfi vurub.
Müdafiə texnologiyaları üzrə ixtisaslaşmış nəşr olan SavunmaSanayiST-in aydınlaşdırdığı kimi, İHA-122, Roketsan tərəfindən hazırlanmış və 30 km-ə qədər təsirli uçuş məsafəsinə malik olan TRLG-122 lazerlə idarə olunan səsdən sürətli yer-yer ballistik raketinin modifikasiyasıdır. Raket məhvetmə radiusu təxminən 40 m olan 13,4 kq ağırlığında döyüş başlığı ilə təchiz edilib. Yeni modifikasiya PUA-lar üçün xüsusi olaraq yaradılmışdır ki, bu da hava hücumundan müdafiə sistemlərini daha effektiv dəf etməyə imkan verir və məhvetmə məsafəsini artırır.
