Gürcüstanın əsas məbədinə Stalini təsvir edən ikona qoyulub
Tiflisdə Gürcüstanın əsas məbədi olan Tsminda Samebada (Müqəddəs Üçlüyün Katedrali) sovet siyasi və dövlət xadimi İosif Stalini təsvir edən ikona peyda olub.
Bu barədə tarixçi və siyasətçi Giorgi Kandelaki öz Facebook səhifəsində bildirib.
Kandelaki ruhanilərin təqibində iştirak edən Gürcüstanın məhvinin təşəbbüskarı obrazının müqəddəs yerə qoyulmasından hiddətləndiyini bildirib. O, bu durumu “Rusiya informasiya maşınının daha bir uğuru, diqqət çəkməyin vaxtıdır” - deyə dəyərləndirib.
