BMT Qərbi Qəzzada soyqırıma qarşı tədbir görməyə çağırıb
BMT İsrailin Qəzzada törətdiyi soyqırımına qarşı tədbir görməlidir.
Bunu BMT-nin işğal olunmuş Fələstin ərazilərində insan haqları üzrə xüsusi məruzəçisi Françeska Albanese “El Pais” nəşrinə müsahibəsində deyib.
Albanese təklif edib ki, Qərb hökumətləri soyqırımın qarşısını almaq üçün indi qınaqdan hərəkətə keçməlidir. “Mən Cənubi Afrikanın Beynəlxalq Ədalət Məhkəməsində qabaqlayıcı tədbirlər görmək qərarını qətiyyətlə dəstəkləyirəm, çünki Qəzzada soyqırımın törədilməsi ehtimalının yüksək olduğuna inanıram”, - deyə xüsusi məruzəçi bildirib.
BMT nümayəndəsi vurğulayıb ki, hazırda anklavda 24 min təsdiqlənmiş qarşıdurma qurbanı var, onların 70 faizi qadın və uşaqlardır. O, Qərbi tədbir görməyə çağırıb və əlavə edib ki, münaqişə zamanı məskunlaşan ərazilər müntəzəm olaraq qadağan olunmuş silahlarla bombalanır. Albanese qeyd edib ki, Qəzza münaqişəsində mülki əhali arasında itkilərin sayı istənilən digər müasir münaqişələrdən bir neçə dəfə çoxdur.
