İsrail Livanın cənubunda PUA ilə avtomobili vurdu
İsrail ordusunun Livanın cənubunda bir avtomobilə hava hücumu təşkil etdiyi bildirilib.
Livanın rəsmi agentliyi NNA-da yer alan xəbərə görə, İsrailin insansız aviasiya maşını sərhəddəki Nakura qəsəbəsi yaxınlığında bir avtomobili hədəfə alıb.
Hərəkət zamanı hücum nəticəsində avtomobilin tamamilə yandığı bildirilsə də, ölən və yaralananların sayı barədə məlumat verilməyib.
