ABŞ bu həftə "Minuteman" III ICBM-nin ikinci təlim buraxılışını həyata keçirib
ABŞ bir həftə ərzində Vandenberq Hərbi Hava Qüvvələri bazasından "Minuteman" III qitələrarası ballistik raketinin (ICBM) ikinci təlim buraxılışını həyata keçirib.
AFN.az xəbər verir ki, bu barədə bazanın saytında yerləşdirilən məlumatda deyilir.
"Döyüş başlığı ilə təchiz olunmayan "Minuteman" III qitələrarası ballistik raket 6 iyun yerli vaxtla saat 01:46-da Amerika Kosmik Qüvvələrinin Vandenberq bazasından sınaq çərçivəsində buraxılıb" - deyə məlumatda qeyd olunub.
İlk təlim buraxılışı iyunun 4-də baş tutub.
"Minuteman" III ICBM-lərin təlimlərə buraxılması ABŞ-ın ICBM arsenalının ABŞ-a strateji rəqabət dövründə üstünlüyü təmin etməkdə hazırlığını, etibarlılığını və effektivliyini nümayiş etdirir.
