Avropa İttifaqı mübahisəli və tənqid olunan yeni immiqrasiya və sığınacaq qaydaları üçün yol xəritəsi təqdim etdi
Avropa İttifaqı (Aİ) Komissiyası illərlə davam edən müzakirələrdən sonra qəbul edilən, lakin mürəkkəb təcrübələri ehtiva edən Miqrasiya və Sığınacaq üzrə yeni Sazişi üzv ölkələr üçün hazırladığı yol xəritəsini açıqlayıb.
Aİ Komissiyasından verilən açıqlamaya görə, qarşıdakı iki il ərzində yeni Miqrasiya və Sığınacaq Müqaviləsi ilə bağlı kompleks qanunvericilik tənzimləmələrinin həyata keçirilməsi üçün işlərə başlanılıb.
Komissiyanın bu gün qəbul etdiyi “Miqrasiya və Sığınacaq üzrə Saziş üzrə Birgə İcra Planı” bütün üzv dövlətlərin 2026-cı ilin ortalarına qədər yeni qanunvericiliyin tətbiqinə başlamaq üçün hüquqi və əməliyyat yol xəritəsini müəyyən edir.
Birgə İcra Planı bu ilin sonuna kimi üzv dövlətlər tərəfindən qəbul edilməlidir.
Plan bir-biri ilə əlaqəli olan və eyni vaxtda həyata keçirilməli olan praktiki addımları ehtiva edir.
Mənbə: AA
