Finlandiya gömrüyü qaçqınların velosipedlərini hərraca çıxarıb
Finlandiya Gömrük Xidməti qaçqınlara məxsus 190 velosipedi hərraca çıxarıb.
Bu barədə yerli "Yle" portalı idarənin nümayəndələrinə istinadən məlumat yayıb.
Hərraca 2023-cü ildə Salla və Raya-Yoseppi kəndlərindəki sərhəd-keçid məntəqələrində gömrük tərəfindən toplanmış velosipedllər daxildir. Tədbir zamanı 190 velosiped və bir skuter satılıb. Ən bahalı velosiped alıcıya 220 avroya başa gəlib.
İyulun 12-də Finlandiya parlamenti qaçqınların ölkədən məcburi çıxarılması ilə bağlı qanunu dəstəkləyib.
