“Qarabağ”ın “Ludoqorets”lə oyunlarının hakimləri müəyyənləşdi
“Qarabağ”ın Çempionlar Liqasının 3-cü təsnifat mərhələsində Bolqarıstanın “Ludoqorets” klubuna qarşı keçirəcəyi hər iki oyunun hakim təyinatları açıqlanıb.
AFN.az UEFA-nın rəsmi saytına istinadən xəbər verir ki, avqustun 6-da Bakıda təşkil olunacaq görüşü isveçrəli, 13-də Razqradda baş tutacaq matçı isə italiyalı referilər idarə edəcəklər.
6 avqust
20:00. “Qarabağ” – “Ludoqorets”
Hakimlər: Urs Şnyder, Marko Zürxer, Benjamin Zürxer, Sven Volfensberger
VAR hakimləri: Fedayi San, Yohannes von Mandax (hamısı İsveçrə)
Bakı, Tofiq Bəhramov adına Respublika stadionu
13 avqust
22:00. “Ludoqorets” – “Qarabağ”
Hakimlər: Simone Sozza, Corcio Peretti, Davide İmperiale, Matteo Marketti
VAR hakimləri: Canluka Aureliano, Marko Serra (hamısı İtaliya)
Razqrad, “Ludoqorets Arena”
