"Google" ABŞ-da qeyri-qanuni monopoliya yaradıb - QƏRAR
ABŞ-da federal hakim "Google"un internet axtarışı və axtarış reklamında qanunsuz monopoliya yaratdığına qərar verərək internet texnologiyaları sahəsində mühüm qərar verib.
ABŞ federal hakimi Amit Mehta bu gün ABŞ Ədliyyə Departamentini "Google"a qarşı qaldıran işlə bağlı çoxdan gözlənilən qərarını açıqlayıb.
Hakim Mehta qərarında "Şahidlərin və sübutların ətraflı araşdırılması nəticəsində məhkəmə bu qərara gəldi: Google monopoliyadır və bu inhisarı qorumaq üçün hərəkət edib. Bu, Şerman Qanununun 2-ci maddəsini pozur" qeyd edib.
