Avropa İttifaqının komissarı istefa verib
AFN.az xəbər verir ki, Breton AB Komissiyasının sədri Von der Leyenə yazdığı istefa məktubunu X sosial media hesabında paylaşıb.
Fon der Leyenin iyul ayında 2024-2029-cu illər üçün Komissiya üzvlüyünə üzv ölkələrdən namizəd adlarını tələb etdiyini xatırladan Breton, hazırkı üzvlərini davam etdirməyi planlaşdıran ölkələrin iki namizəd irəli sürməsinə ehtiyac olmadığını və bir namizədin kifayət etdiyini xatırladıb.
Fransa prezidenti Emmanuel Makronun iyul ayında ona vəzifəsini bir müddət daha icra etməsi üçün namizədliyini irəli sürdüyünə diqqət çəkən Breton, "Bir neçə gün əvvəl gələcək komissiya ilə bağlı danışıqların son mərhələsində Fransadan şəxsi səbəblərdən bu addımı geri çəkməsini tələb etdiniz" deyib.
"Heç bir halda mənimlə birbaşa görüşməmisiniz. Guya siyasi mübadilə olaraq Fransaya gələcəkdə daha effektiv portfel təklif etmisiniz. İndi sizə başqa namizəd təklif olunacaq" deyə bildirən Breton, son hadisələr fonunda mübahisəli idarəetmə elementlərinin ortaya çıxdığını ifadə edib:
"Mən bu qənaətə gəldim ki, artıq Komissiya üzvü kimi vəzifələrimi yerinə yetirə bilməyəcəm. Ona görə də dərhal Aİ Komissiyasının üzvü kimi istefa verirəm".
Breton Aİ Komissiyasında sənaye siyasəti, müdafiə investisiyaları, daxili bazar qaydaları və rəqəmsal platformalar kimi mühüm işləri idarə edirdi.
