Putinin planlarında Qrossi ilə görüş yoxdur - Peskov
Rusiya prezidenti Vladimir Putin Beynəlxalq Atom Enerjisi Agentliyinin (MAQATE) rəhbəri Rafael Qrossi ilə hələ görüş keçirməyi planlaşdırmır.
AFN.az "RİA Novosti"yə istinadən xəbər verir ki, bunu Kremlin rəsmi nümayəndəsi Dmitri Peskov deyib.
"Hələlik Putinin planlarında Qrossi ilə heç bir əlaqə yoxdur" - deyə o qeyd edib.
Qrossi Kursk AES-də nəsə baş verəcəyi təqdirdə qurumun hazır olacağına söz verib. O, qeyd edib ki, bu problemə ciddi yanaşır və münaqişənin həm Rusiya, həm də Ukrayna tərəfləri ilə əlaqə saxlayır.
MAQATE rəhbəri həmçinin Rusiya lideri ilə erkən görüşə əmin olduğunu bildirib. Qrossinin sözlərinə görə, agentlik bunun nə vaxt baş verəcəyini müəyyən etmək üçün rusiyalı həmkarları ilə işləyəcək, lakin o, yaxın gələcəkdə görüşün olacağına əmindir.
