Bosfor boğazında gəmilərin hərəkəti dayandırılıb
Quru yük gəmisinin sıradan çıxması səbəbindən Bosfor boğazında gəmilərin hərəkəti dayandırılıb.
Bu barədə Türkiyə Sahil Mühafizəsi Departamenti xəbər verib.
Departamentin məlumatına görə, Bosfor boğazında gəmilərin hər iki istiqamətdə hərəkətinin dayandırılmasına səbəb İsraildən Bolqarıstana üzən quru yük gəmisinin mühərrikinin xarab olması olub. 106 metrlik gəmiyə yedək gəmisi göndərilib.
