ABŞ-ın Nyu-Meksiko ştatında daşqın nəticəsində 2 nəfər ölüb
ABŞ-ın Nyu-Meksiko ştatında güclü yağışların yaratdığı daşqın nəticəsində ilkin məlumatlara görə 2 nəfər həyatını itirib, 300-ə yaxın insan xilas edilib.
Bu barədə Nyu Meksiko əyalət polisi məlumat verib.
Nyu Meksiko Milli Qvardiyasından verilən açıqlamada sel səbəbiylə maşınlarında sıxışan 290 nəfərin axtarış-xilasetmə qrupları tərəfindən xilas edildiyi bildirilib. Xilas edilənlərdən 38-nin xəstəxanaya yerləşdirildiyi, xilasetmə işlərinin davam etdiyi bildirilib.
ABŞ Milli Meteoroloji Xidməti (NWS) Nyu-Meksiko ştatının mərkəzi və şərqində həftə ərzində davam edəcəyi proqnozlaşdırılan güclü yağışın səbəb olduğu daşqınlar barədə ictimaiyyətə xəbərdarlıq edib.
