İspaniyada ölənlərin sayı 95-ə yüksəlib
Son iki gündə güclü yağış və fırtınanın təsirli olduğu İspaniyanın şərq və cənub bölgələrində ən azı 95 nəfərin həyatını itirdiyi, itkin düşənlərin axtarışlarının davam etdiyi bildirilib.
Ölkənin şərqində güclü yağış və fırtınalardan ən çox zərər çəkən bölgələrdən biri olan Valensiyada muxtar hökumətə bağlı fəaliyyət göstərən operativ idarəetmə mərkəzinin verdiyi açıqlamaya görə, bölgədə 92 nəfərin cəsədi tapılıb.
Valensiyadan sonra daşqından ən çox zərər görən ikinci bölgə olan Kastiliya-La Mançada ölənlərin sayının 3 olduğu açıqlanıb.
Təbii fəlakətdə ölənlərin sayının 95-ə yüksəlməsi ilə yanaşı səlahiyyətlilər xüsusilə Valensiya bölgəsində onlarla insanın itkin düşdüyü məlumatını da paylaşıb.
Digər tərəfdən, jandarma tərəfindən verilən açıqlamada bu bölgədə 1200 nəfərin hələ də daşqınlar səbəbindən öz yerlərində qapalı qaldığı, 5 mindən çox avtomobilin isə magistral yollarda tərk edilmiş və ya sürücüləri ilə gözlədiyi bildirilib.
Mənbə: AA
