Peruda mikroavtobus uçuruma yuvarlanıb: 10 nəfər ölüb
Peruda sərnişin mikroavtobusunun 220 metrlik uçuruma yuvarlanması nəticəsində 10 nəfər ölüb.
Peru mətbuatında yer alan xəbərə görə, ölkənin cənubundakı Cuyo bölgəsində Culiaka-Sandiya yolunda sərnişin mikroavtobusu idarəetməni itirərək 220 metrlik uçuruma yuvarlanıb.
Qəzada 10 nəfər hadisə yerində ölüb, 4 yaşlı uşaq isə ağır xəsarətlərlə mikroavtobusdan çıxarılıb.
Hadisə yerinə çoxlu sayda yanğınsöndürən və axtarış-xilasetmə qrupları cəlb olunub.
Qəza ilə bağlı araşdırmalara başlanılıb.
