KİV: Trampın kriptovalyutalara yanaşması Aİ bizneslərini ABŞ-a köçməyə təşviq edə bilər
ABŞ-ın yeni seçilmiş prezidenti Donald Trampın rəqəmsal aktiv siyasətləri Aİ kripto bizneslərini əməliyyatlarını ABŞ-a köçürməyə təşviq edə bilər.
AFN.az xəbər verir ki, bu qiymətləndirməni “Financial Times” qəzeti edib.
“Biz Avropadan kriptovalyuta ilə bağlı istənilən formada aktivliyin miqrasiyasını görəcəyik, çünki ABŞ-da hər şey daha sadə olacaq”, – nəşr Brookings İnstitutunun baş əməkdaşı Esvar Prasaddan sitat gətirir. Qəzet izah edir ki, rəqəmsal aktivlərin tənzimlənməsi sahəsində Aİ qanunvericiliyi kripto startaplarına təzyiq göstərə və biznesi “yaşayış həddinə” çatdıra bilər ki, bu da ABŞ-a kapital axınına səbəb olacaq.
Avropa İttifaqı əvvəllər kripto-aktivlər (MiCA) bazarlarının tənzimlənməsi sahəsində yeni qaydalar təqdim etmişdi ki, bu qaydalara əsasən, stabilkoinlərin - real aktivlərə bağlı kriptovalyutanın bütün operatorları öz fəaliyyətlərini həyata keçirmək üçün lisenziyaya malik olmalıdırlar. Eyni zamanda, emitentlərdən ehtiyatlarının üçdə ikisinə qədər hissəsini müstəqil bankda saxlamaq, habelə ödənişlər məqsədilə aparılan bütün əməliyyatlara nəzarət etmək tələb olunur. İyul ayında USDC stabilkoini işlədən şirkət belə müvafiq lisenziyanı alıb, halbuki dünyada ən geniş yayılmış stabilkoin olan Tether (USDT) hələ belə bir lisenziya almayıb. Yeni qaydalar 30 dekabr 2024-cü ildə qüvvəyə minir.
