Pakistan dumanda təslim oldu: Görmə məsafəsi 50 metrdən aşağı düşdü
Pakistanda sıx duman səbəbindən görmə məsafəsi 50 metrdən aşağı düşüb, hava və quru nəqliyyatı kəsilib. Səlahiyyətlilər əhalini zərurət olmadıqca səyahət etməməyə və hərəkət məhdudiyyətlərinə əməl etməyə çağırıb.
Pakistanın Pəncab əyalətində sıx duman həyata mənfi təsir edib. Səhər saatlarında Lahorda görmə məsafəsi 50 metrdən aşağı düşüb.
Bir çox reyslər təxirə salınıb, magistral yol rəhbərliyi zəif görmə səbəbindən əyalətin paytaxtı Lahordan İslamabada gedən magistral yolu bağlayıb.
Polis sürücülərə sürəti artırmamaq və duman əleyhinə işıqları yandırmaq barədə xəbərdarlıq edib.
Səlahiyyətlilər əhalini zərurət olmadıqca səyahət etməməyə və hərəkət məhdudiyyətlərinə əməl etməyə çağırıb.
