Qəzzada atəşkəs sabahdan qüvvəyə minəcək
Qətər İsraillə Qəzza zolağında atəşkəs razılaşmasının 19 yanvar bazar günü yerli vaxtla saat 08:30-da qüvvəyə minəcəyini açıqlayıb.
Qətər Xarici İşlər Nazirliyinin sözçüsü Məcid əl-Ənsari X sosial media platformasında verdiyi açıqlamada atəşkəsin sabah səhər yerli vaxtla saat 08:30-da başlayacağını açıqlayıb.
Razılaşmanın tərəflər və onların vasitəçiləri tərəfindən koordinasiya edildiyini qeyd edən Ənsari "Qardaşlarımıza tədbir görmələrini, diqqətli olmalarını və rəsmi mənbələrdən təlimat gözləmələrini tövsiyə edirik" deyib.
