İranda neft terminalında yanğın baş verib
İranın Rey şəhərində 18 min tona yaxın neftin saxlandığı neft terminalında yanğın baş verib.
AFN.az xəbər verir ki, məlumatı İranın Milli Neft Marketinq Şirkətinin direktoruna istinadən Mehr agentliyi yayıb.
Yanğının söndürülməsində iştirak edən yanğınsöndürənlərdən birinin agentliyə verdiyi məlumata görə, yanğın təxminən bir saat əvvəl baş verib. Onun sözlərinə görə, vəziyyət nəzarət altındadır və yanğın lokallaşdırılıb.
Milli Neft Məhsulları Dağıtım Şirkəti tərəfindən verilən açıqlamada mayeləşdirilmiş təbii qazın kiçik çənlərindən birinin alovlandığı, lakin tələfat olmadığı bildirilib. Hadisə yerində fövqəladə hallar və yanğınsöndürənlər işləyir.
