Ağ Ev ABŞ-ın Qəzzaya qoşun göndərməyəcəyini elan edib
Birləşmiş Ştatların Qəzza zolağına qoşun yeritmək və amerikalı vergi ödəyiciləri hesabına Fələstin anklavının bərpasını maliyyələşdirmək niyyəti yoxdur.
AFN.az xarici mediaya istinadən xəbər verir ki, bu barədə Ağ Evin mətbuat katibi Karolin Levitt "Fox News" telekanalına müsahibəsində bildirib.
"Birləşmiş Ştatların prezidenti Donald Tramp Qəzzaya qoşun göndərməyəcəyini açıq şəkildə bildirdi. Onun bunu etmək niyyəti yoxdur və o, Amerika vergi ödəyicilərinin bu səyləri maliyyələşdirməyəcəyini açıq şəkildə ifadə etdi. Prezident razılaşmağa çalışır ki, Qəzza əslində sülh içində yaşamaq və real iqtisadi inkişafa sahib olmaq istəyən insanlar üçün əlverişli bir yerə çevrilsin", - deyə Leavitt bildirib.
