Ötən ay ən isti yanvar kimi qeydə alınıb
Avropa Birliyinin (Aİ) "Copernicus" peyk monitorinq sistemi La Nina hava hadisəsinin planeti sərinlətməsinə baxmayaraq, ötən ayın tarixin ən isti yanvar ayı olduğunu bildirib.
"Copernicus" tərəfindən verilən açıqlamaya görə, keçən ay orta temperatur 13,23 dərəcə olaraq ölçülüb.
Bu, 1850-1900-cü illəri əhatə edən sənayedən əvvəlki dövr orta göstəricisindən 1,75 dərəcə yuxarıya uyğundur.
Bununla da orta temperaturun 13,14 dərəcə ölçüldüyü 2024-cü ilin yanvar rekordunu qırıb və ötən ay ən isti yanvar olaraq qeydə alınıb.
2025-ci ilin yanvar ayı üçün Avropanın kontinental orta temperaturu 1,80 dərəcə ölçülüb.
Bu, keçən ayı Avropada rekordlar üzrə ən isti ay olduğu 2020-ci ildən sonra ikinci ən isti yanvar edib.
Qeyd edək ki, 2024-cü ildə dünyada ilk dəfə olaraq orta temperaturun 1,5 dərəcədən yuxarı qalxması ilə ən isti il yaşanıb.
