Çilidə elektrik enerjisinin kəsilməsi səbəbindən fövqəladə vəziyyət elan edilib
Çilidə ölkənin 99 faizini əhatə edən elektrik enerjisinin kəsilməsi səbəbindən fövqəladə vəziyyət elan edilib.
Milli medianın məlumatına görə, ölkə daxilində elektrik enerjisinin kəsilməsi 8 milyondan çox insana təsir edib.
Demək olar ki, bütün ölkə elektriksiz qaldıqdan və paytaxt Santyaqo başda olmaqla bir çox bölgədə komendant saatı tətbiq etdikdən sonra hökumət fövqəladə vəziyyət elan edib.
Elektrik kəsilməsi nəqliyyatı və gündəlik həyatı pozub və xüsusilə Santyaqoda nəqliyyatda böyük xaos hökm sürüb.
Çilidə bank, maliyyə, mədən və ticarət fəaliyyətləri dayandırılarkən, minlərlə polis və əsgər ictimai təhlükəsizliyi təmin etmək üçün kritik nöqtələrə təyin edilib.
Yerli media bəzi ərazilərdə elektrik enerjisinin bərpa olunduğunu, lakin nəticədə çoxlu soyuducu, paltaryuyan, qabyuyan maşın və digər məişət texnikasının sıradan çıxdığını bildirib.
