ABŞ Rusiya ilə Çin arasında yaxınlaşma istəmir
ABŞ Rusiya və Çin arasında yaxınlaşma istəmir, lakin hər iki ölkə ilə münasibətləri yaxşılaşdırmağa ümid edir.
AFN.az xəbər verir ki, bunu ABŞ prezidenti Donald Tramp "Fox News" telekanalına müsahibəsində deyib.
Amerika lideri vurğulayıb ki, o, Rusiya və Çinin bir araya gəlməsini istəmir: "Biz hər iki ölkə ilə əlaqələri yaxşılaşdırmağa çalışırıq. Düşünürəm ki, prezident Si Cinpin münasibətləri yaxşılaşdırmaq istəyir və məncə, Rusiya da ABŞ-la münasibətləri yaxşılaşdırmaq istəyir. Mən də hesab edirəm ki, biz bir neçə ay əvvəlkindən çox fərqli ölkəyik. İndi biz hörmət edilən bir ölkəyik. Bizə hörmət edilmirdi. Bizə gülürdülər. Bizim səriştəsiz rəhbərliyimiz var idi".
Tramp qeyd edib ki, bu iki ölkə indi dostdur: "Amma biz hər ikisi ilə dost olacağıq. Çinin bizə ticarət baxımından çox ehtiyacı var, lakin biz ticarət kəsirini aradan qaldırmalıyıq. Hazırda Çinlə 1 trilyon dollardan çox kəsirimiz var. Bu, inanılmazdır və biz bununla bağlı nəsə edəcəyik. Həm də Rusiya ilə. Amerikalılar liderdən bir qədər də iqtisadi gücə sahib olmaq istəyirlər".
