ABŞ dünyanın bu hissəsinə daha çox diqqət yetirmək istəyir - Rutte
ABŞ-ın qoşunlarını Avropadan çıxarmaq planı yoxdur, baxmayaraq ki, Vaşinqton Asiyaya daha çox diqqət yetirdiyi üçün regiondakı hərbi qüvvələr daha fəallaşmalıdır.
AFN.az "Bloomberg"ə istinadən xəbər verir ki, bunu NATO-nun baş katibi Mark Rutte Alyansa üzv ölkələrin xarici işlər nazirlərinin iki günlük iclası ərəfəsində deyib.
Rutte Brüsseldə jurnalistlərə açıqlamasında deyib: “ABŞ zaman keçdikcə dünyanın bu hissəsinə daha çox diqqət yetirmək istəyir. Ona görə də Avropanın səylərini daha da gücləndirməsi məntiqlidir”.
Eyni zamanda o, ABŞ-ın NATO-ya sadiq olduğunu qeyd edib.
Rutte həmçinin bildirib ki, NATO müttəfiqləri bu ilin ilk üç ayında Ukraynaya 20 milyard avrodan çox (21,65 milyard dollar) hərbi dəstək vermək öhdəliyi götürüblər.
