Britaniya, Polşa və Şimali Avropa yeni Müdafiə Fondu yaratmağı müzakirə edirlər
Böyük Britaniya, Polşa və Şimali Avropa ölkələrinin hakimiyyət orqanları müdafiə ehtiyaclarını maliyyələşdirmək üçün birgə fondun yaradılmasını müzakirə edirlər.
AFN.az xəbər verir ki, bu barədə "Politico"ya avropalı mənbələr məlumat verib.
Bildirilir ki, əsas ideya daha ucuz qiymətə silahların birgə alınması, eləcə də müdafiə ehtiyacları üçün sərfəli kreditlərin alınması imkanlarının yaradılmasıdır. Aİ diplomatları təsdiqləyiblər ki, Britaniya tərəfi ötən həftə İsveç, Finlandiya, Danimarka, Hollandiya və Polşanın maliyyə orqanlarının nümayəndələri ilə bu ideyanı müzakirə edib. Tərəflərin müzakirələri gələn həftə Varşavada keçiriləcək Aİ maliyyə nazirlərinin görüşü zamanı davam etdirəcəyi gözlənilir.
“Politico” yazır ki, təşəbbüs aşağı dövlət borcunu saxlayaraq hərbi xərclərə böyük vəsait xərcləməyə hazır olan Avropa ölkələri üçün açıq ola bilər. Bu, Fransa, İtaliya və İspaniya da daxil olmaqla əksər Cənubi Avropa ölkələrinin iştirakını istisna edir.
