Zaxarova: Puqaçova Rusiya xalqının sevgisini qiymətləndirmədi
Hazırda xaricdə yaşayan müğənni Alla Puqaçova Rusiyada özünəməxsus populyar sevgi görsə də, onun qədrini bilməyib.
AFN.az yerli mediaya istinadən xəbər verir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova deyib.
"Məşhurluq var, şöhrət var, uğur var və bənzərsiz bir fenomen var - sevgi, insanların sevgisi. Təəssüf ki, insan bunu qiymətləndirməyib, laqeyd yanaşıb. Deyə bilmərəm, mühakimə etmək istəmirəm, amma hamımız üçün bu, bir dərs olmalıdır" - deyə Zaxarova qeyd edib.
Diplomatın sözlərinə görə, belə bir vəziyyət bütün insanlar üçün örnək olmalıdır ki, onlar həyatda düzgün seçim etsinlər və belə tələlərə düşməsinlər. "İnanıram ki, həyatda belə şeylərin verilməsinin yeganə səbəbi onlardan öyrənməkdir. Çünki bu, həqiqətən dəhşətli nümunədir", - deyə o, əlavə edib.
XİB nümayəndəsi vurğulayıb ki, Puqaçovanın ifa etdiyi mahnılar çoxlu sayda insanın əməyinin sinerjisidir. "Biz böyüklükdən danışanda başa düşməliyik ki, onu çoxlu sayda insan toxuyub: kimsə şeir yazıb, kimsə musiqi yazıb, kimsə fantastik aranjimanlar edib. Mahnılar, sizi əmin edirəm ki, yaşayacaq. Bunlar gözəl mahnılar idi, möhtəşəm mahnılar olaraq qalır, oxunur və oxunmaqda davam edəcək", - deyə Zaxarova fikrini yekunlaşdırıb.
Alla Puqaçova 2022-ci ilin yazında ailəsi ilə birlikdə Rusiyanın Ukraynaya təcavüzünə etiraz əlaməti olaraq ölkəni tərk edib. Onun İsrailə köçdüyü bildirilir.
