Şimali Koreya Yaponiyadan üzrünü yeniləməsini istədi
Şimali Koreya Yaponiyaya İkinci Dünya Müharibəsindən çıxmasının 80-ci ildönümündə verəcəyi üzrünü yeniləməsi və tarixi ilə üzləşməsi çağırışı edib.
Şimali Koreya Mərkəzi Xəbər Agentliyinin (KCNA) məlumatına görə, Xarici İşlər Nazirliyi Yaponiyanın Baş naziri İşıba Şigerunun ölkəsinin İkinci Dünya Müharibəsindən çıxmasının 80-ci ildönümündə edəcəyi nitqə dair medianın yaydığı iddialara münasibət bildirib.
Açıqlamada qeyd olunur ki, keçmiş üzr mətninin son dərəcə ruhsuz və qərarsız olduğu bildirilir. İşıbanın gözlənilən üzr mesajının məzmunu barədə Tokioda fikir ayrılıqları var. Bəzi şəxslər Yaponiyanın üzr mesajını yeniləməli, bəziləri isə keçmiş üzr mesajını təkrar etməlidir deyir.
Bununla belə, Nazirlik Yaponiyaya baş nazir İşıbanın nitqində üzrünü yeniləyərək tarixi ilə üzləşmək çağırışı edib və bunun Yaponiyanın beynəlxalq hüquqa qarşı öhdəliyi və qaçınılmaz mənəvi məsuliyyəti olduğunu vurğulayıb.
Xatırladaq ki, İkinci Dünya Müharibəsi davam edərkən, dönəmin Yapon imperatoru Hirohito 15 avqust 1945-ci ildə müharibənin yapon xalqını məhv edəcəyini deyərək, ölkəsinin şərtsiz təslim olduğunu elan etmişdi.
Qeyd edək ki, keçmiş Yaponiya Baş naziri Abe Şinzō 2015-ci ildə 70-ci ildönümündəki nitqində Yaponiyanın İkinci Dünya Müharibəsi zamanı etdiyi hərəkətlərə görə əvvəlki üzr mesajını təkrarlamışdı.
Abe bildirmişdi ki, keçmişin törətdiyi ağrılar üçün yeni nəsillər daima üzr istəmək məcburiyyətində olmamalıdır və nitqində həmin il üçün xüsusi yeni üzr ifadəsinə yer verməmişdi.
