Supermen, Batman, Scooby-Doo: Warner Bros. Midjourney-ə müəllif hüquqları ilə bağlı iddia qaldırdı
Warner Bros. Discovery süni intellektə əsaslanan vizual yaradıcılıq platforması olan Midjourney-ə qarşı müəllif hüquqları ilə bağlı iddia qaldıraraq, onun simvolik personajlarını icazəsiz kopyaladığını iddia edib.
Los Angeles federal məhkəməsinə cümə axşamı günü təqdim edilmiş iddia Warner Bros. Entertainment və ona bağlı qurumları əhatə edib. Şirkət iddia edib ki, Superman, Batman, Wonder Woman, Scooby-Doo və Bugs Bunny kimi personajlar Midjourney istifadəçiləri tərəfindən icazəsiz şəkildə yaradılıb.
Warner Bros. iddia sənədində Scooby-Doo-nun boyunbağının rəngi kimi tanınan detalların Midjourney-də yaradılan vizuallarla tam eyni olduğunu göstərib. İstifadəçilərin Superman-i “müəyyən bir yerdə” və ya “müəyyən bir hərəkətdə” təsvir etməsini istəyərək personajın vizuallarını əldə edə bildiyi qeyd olunub.
Böyük studiyaların ortaq mübarizəsi
İyunda Disney və Universal Pictures də Midjourney-ə oxşar ittihamlarla iddia qaldırıb. Bununla da Warner Bros. Midjourney-ə qarşı hüquqi proses başlatan üçüncü böyük studiya olub.
Şirkət Midjourney-in müəllif hüquqlarını pozduğunu bildiyini göstərən sübutların olduğunu irəli sürüb. Buna görə şirkət video yaradıcı modelini ilk başladığında müəllif hüququ olan personajları bloklamış, lakin daha sonra bu məhdudiyyəti qaldırmışdı. Həmçinin, təhlükəsizlik məqsədli istifadə olunan “redteaming” tətbiqini xidmət şərtlərindən çıxarıb.
Milyonlarla dollar risk altında
Warner Bros. məhkəmədən təzminat və pozuntuların dayandırılması üçün tədbir tələb edib. Hər bir müəllif hüququ pozuntusu üçün 150 min dollara qədər cərimə tətbiq oluna biləcəyi, bunun Midjourney üçün ciddi maliyyə nəticələri doğura biləcəyi vurğulanıb.
Təxminən 21 milyon istifadəçisi olan və 2024-cü ildə 300 milyon dollar gəlir əldə etdiyi hesablanan Midjourney hələlik iddiaya dair rəy verməyib. Platforma aylıq 10 ilə 120 dollar arasında dəyişən abunə paketləri ilə xidmət göstərir.
Daha geniş hüquqi mübarizənin bir hissəsi
Məhkəmə çəkişməsi əyləncə sektoru ilə süni intellekt şirkətləri arasındakı müəllif hüququ mübahisəsinin bir hissəsi kimi önə çıxıb.
Süni intellekt modellərinin müəllif hüququ olan məzmunu icazəsiz istifadə edərək təlim və məzmun yaradılmasında qiymətləndirməsi, sektorda müzakirələr yaratmağa davam edir.
