Rutte: NATO Polşada pilotsuz təyyarə insidentini hərtərəfli qiymətləndirir
Şimali Atlantika Alyansı Polşa səmasında dron insidentinin hərtərəfli qiymətləndirilməsini həyata keçirir.
AFN.az xarici mediaya istinadən xəbər verir ki, bunu NATO-nun baş katibi Mark Rutte deyib.
"Şimali Atlantika Şurası bu gün səhər saatlarında Polşanın Vaşinqton müqaviləsinin 4-cü maddəsinə əsasən tələb etdiyi məsləhətləşmələr fonunda vəziyyəti müzakirə etmək üçün toplaşıb. Hadisənin hərtərəfli qiymətləndirilməsi aparılır", - deyə o, bildirib.
Rutte əlavə edib ki, alyans şərq cinahında baş verənləri diqqətlə izləyəcək və hava hücumundan müdafiə sistemlərini döyüş hazırlığı vəziyyətində saxlayacaq.
