KİV: HƏMAS Trampa meydan oxuyur
HƏMAS hərəkatı Qəzza zolağına nəzarəti zorla geri alır və onun anklavda yeganə hakimiyyət olaraq qaldığını nümayiş etdirir.
AFN.az xəbər verir ki, bu iddia ilə Amerikanın "The Washington Post" qəzetinin Yaxın Şərq üzrə bölməsi çıxış edib.
Məqalədə deyilir: “HƏMAS İsrailə qarşı mübarizəni dayandırmış ola bilər, lakin o, Qəzza zolağına nəzarəti bərpa etmək üçün yeni, qəddar kampaniyaya başlayıb, yerli ailələr və son iki illik müharibədə orada onun hakimiyyətinə etiraz edən milislərlə mübarizə aparır”. Konkret olaraq, məqalə müəllifləri bu yaxınlarda İsraillə əməkdaşlıq etdiyi iddia edilən 8 nəfərin edamını əks etdirən video yayıb. Qəzet iddia edir ki, hazırda radikallar HƏMAS-ı hakimiyyətdən uzaqlaşdırmaq cəhdlərində yəhudi dövləti ilə əməkdaşlıq edən və ondan dəstək almış ola biləcək şəxsləri geniş şəkildə təqib edirlər.
Məqalədə qeyd olunur ki, HƏMAS-ın hərəkətləri Qəzzada yeganə real hakimiyyət olaraq qaldığına dair aydın siqnal göndərmək məqsədi daşıyır. “Bu, ABŞ prezidenti Donald Trampın anklavın gələcək idarə olunması planının həyata keçirilməsinə ciddi təsir göstərə bilər, çünki HƏMAS silahsızlaşdırılması və Qəzzanın idarə olunması ilə bağlı qarşıdan gələn danışıqlarda təsir rıçaqları əldə edəcək” - deyə məqalədə vurğulanır.
