İran yağışı artırmaq üçün PUA-larla bulud toxumlama işləri aparır
İranın Energetika naziri Abbas Əliabadi bildirib ki, ölkədə şiddətli quraqlıqdan qaynaqlanan su böhranı davam etdiyi bir vaxtda yağışları artırmaq məqsədilə ölkənin hava məkanında pilotsuz uçuş aparatları (PUA) vasitəsilə bulud toxumlama əməliyyatları həyata keçirilir.
Quraqlıqla mübarizə çərçivəsində ölkədə aparılan bulud toxumlama fəaliyyətləri genişləndirilərkən, nazir Əliabadi parlamentdəki çıxışında əməliyyatların miqyası və nəticələri barədə ətraflı məlumat verib.
Nazir bildirib ki, ölkə üzrə həyata keçirilən bulud toxumlama əməliyyatları artıq daha sistemli, elmi və məlumatlara əsaslanan şəkildə həyata keçirilir: "Hazırda gübrələmə (bulud toxumlama) işləri hədəfli, elmi və məlumat yönümlü formada genişləndirilib və son su ilində ölkənin 31 vilayətində bu çərçivədə 61 dron əməliyyatı və 2 min saatlıq yerüstü əməliyyat aparılıb".
İranlı nazir qeyd edib ki, əməliyyatlar xüsusilə Urmiya gölü, Zəyəndərud, Tehran, Elburz, Fars və Xorasan bölgələrində daha intensiv şəkildə həyata keçirilir.
Əliabadi yeni su ilində də uyğun yağış sistemləri müəyyən edildiyi müddətdə həmin bölgələrdə bulud toxumlama fəaliyyətlərinin davam etdirildiyini bildirib.
