Rusiyada hərbi nəqliyyat təyyarəsi qəzaya uğradı
Rusiyanın İvanovo bölgəsində “An-22” tipli hərbi nəqliyyat təyyarəsinin qəzaya uğradığı bildirilib.
Rusiya Müdafiə Nazirliyinin açıqlamasında deyilir ki, İvanovo bölgəsində "An-22" tipli hərbi nəqliyyat təyyarəsi təmirdən sonra sınaq uçuşu zamanı yaşayış olmayan əraziyə düşüb.
Açıqlamada hadisə yerinə axtarış-xilasetmə qruplarının göndərildiyi, təyyarədəki heyətin taleyinin hələlik naməlum olduğu qeyd olunub.
Təyyarənin qəzaya uğrama səbəbinin araşdırılacağı bildirilib.
Rusiya KİV-lərində təyyarədə 7 nəfərin olduğu barədə məlumatlar yer alır.
