İran İsrailə yeni raket hücumuna başladı
İsrail ordusu ABŞ ilə birlikdə əməliyyatlar keçirdiyi İrandan yeni bir raket hücumunun başladıldığını bəyan edib.
AFN.az xəbər verir ki, İsrail ordusunun açıqlamasında İrandan atılan raketlərin qarşısını almaq üçün hava hücumundan müdafiə sistemlərinin işə düşdüyü bildirilib.
Daxili Cəbhə Komandanlığı tərəfindən təhlükə altında olan bölgələrdəki mobil telefonlara xəbərdarlıq mesajlarının göndərildiyi vurğulanaraq, əhalinin sığınacaqlara girməsi barədə xəbərdarlıq edilib. İranın altı saatlıq fasilədən sonra həyata keçirdiyi yeni zərbələrin ardından Tel-Əviv və ətrafı ilə yanaşı, İordan çayının qərb sahilində yerləşən yaşayış məntəqələrində də həyəcan siqnalları çalınıb.
İran dövlət televiziyasının xəbərində isə İnqilab Keşikçiləri Korpusunun (SEPAH) İsrailə yeni dalğa raket hücumlarına başladığı ifadə olunub. ABŞ və İsrail qüvvələri hücumların miqyasını müəyyənləşdirmək və təhlükəni zərərsizləşdirmək üçün koordinasiyalı fəaliyyəti davam etdirirlər.
