ATV-də Zaur Baxşəliyevin və Zaur Nəbioğlunun verilişləri bağlandı
"Azad Azərbaycan" (ATV) telekanalında yayımı dayandırılan iki verilişin adı məlum olub.
Oxu.Az-ın əldə etdiyi məlumata görə, "Bizimləsən" və "Rəngarəng" verilişləri efirdən çıxarılıb.
Kanalın mətbuat xidmətindən bildirilib ki, məlumat doğrudur: "Qərar kanal rəhbərliyi tərəfindən qəbul edilib".
Eyni zamanda, Oxu.Az-ın əldə etdiyi digər məlumata görə, ARB kanalında da ciddi efir dəyişikliklərinin olacağı gözlənilir. Hansı verilişlərin yayımının dayandırılacağı isə dəqiqləşdirilir.
