Heqset: İki hərbçinin həlak olması ABŞ-ın İrana qarşı qətiyyətini artırır
İranın İordaniyadakı obyektlərə endirdiyi zərbə nəticəsində iki ABŞ hərbçisinin həlak olması Vaşinqtonun bu ölkəyə qarşı döyüş əməliyyatları aparmaq əzmini gücləndirir.
AFN.az xəbər verir ki, bu barədə ABŞ müdafiə naziri Pit Heqset "X" sosial şəbəkəsində bildirib.
"Onların fədakarlığı bizim qətiyyətimizi yalnız daha da artırır", — deyə Pentaqon rəhbəri ABŞ Mərkəzi Komandanlığının (CENTCOM) bəyanatını şərh edib.
CENTCOM-un məlumatına görə, iki ABŞ hərbi qulluqçusu İordaniyadakı hücumu dəf edərkən döyüşdə həlak olub, daha bir hərbçi isə itkin düşüb. Komandanlıq dörd hərbçinin xəstəxanaya yerləşdirildiyini, bir neçəsinin isə yüngül xəsarətlər aldığını dəqiqləşdirib.
