ABŞ İrana dəniz blokadasını bərpa edəndən bəri 20 gəminin istiqamətini dəyişib
ABŞ hərbçiləri İranın dəniz limanlarının blokadası bərpa olunandan bəri istiqamətini dəyişdirdiyi gəmilərin sayı 20-yə çatıb.
AFN.az xəbər verir ki, bu barədə ABŞ Silahlı Qüvvələrinin Mərkəzi Komandanlığı (CENTCOM) məlumat yayıb.
"İyulun 29-a olan məlumata görə, CENTCOM 20 ticarət gəmisinin istiqamətini dəyişib, 2-sini sıradan çıxarıb və daha 2 gəmiyə reyd keçirib", — deyə komandanlığın "X" sosial şəbəkəsindəki səhifəsində yerləşdirilən bəyanatda bildirilir.
Açıqlamada həmçinin Yaxın Şərqdə 20-dən çox ABŞ hərbi gəmisinin fəaliyyət göstərdiyi diqqətə çatdırılıb. ABŞ İrana qarşı dəniz blokadasını iyulun 14-də bərpa edib.
