İngiltərədə vəhşi arılar ofisi zəbt edib
İngiltərədə vəhşi arılar təbiəti mühafizə fondunun rəhbərinin ofisində yuva qurub.
AFN.az xəbər verir ki, Norfolk Vəhşi Təbiət Fondu (NWT) rəhbəri Eiliş Rotni həftələrlə ərazi araşdırmaları apardıqdan sonra ofisinə qayıtdıqda vəhşi arılarla qarşılaşıb.
Arı yuvasının həmin vaxt indiki ölçüsünün dörddə biri qədər olduğunu bildirən Rotni “Əvvəlcə oraya qoyduğum bir qutunun arxasındakı döşəmədə başladılar, sonra içəridən yuxarı qalxdılar, qutunun üzərinə yayıldılar, qovluqların və rəflərin ətrafındakı bütün kiçik çatlara girdilər” deyib.
Rotni “Arıların gəlib-getməsini və o gözəl rəng təbəqələrini yaratmasını izləmək çox valehedici idi” deyə qeyd edib.
Norfolk Vəhşi Təbiət Fondu tərəfindən yayımlanan yuvanın fotosunda isə “Minlərlə yeni işçi icazəsiz şəkildə orada məskunlaşdı, işə qəbul prosesini tamamilə keçdi və ofisin birgə iş siyasətinə əməl etmədi” deyə yazılıb.
Digər tərəfdən, ofisi vəhşi arıların istilasına məruz qalan Eiliş Rotni “Əgər sizi narahat edən vəhşi arılar varsa, sakit qalmağınızı və uzaqlaşmağa çalışmağınızı tövsiyə edirəm. Sakit qalsanız, bunu hiss edəcəklər və özlərini təhdid altında hiss etməyəcəklər” ifadələrini işlədib.
Vəhşi arıların payızda yuvalarını tərk etməsi gözlənilir.
