FİFA rəhbərliyi və futbol əfsanələri Bakıda toplaşacaq
Sabah Bakıda FİFA U-15 Dünya Gənclər Çempionatı və Festivalının final matçı keçiriləcək.
AFN.az Azerisport-a istinadən xəbər verir ki, “Kristal Hall”da baş tutacaq həlledici qarşılaşmada dünya futbolunun bir sıra əfsanələri iştirak edəcək.
Mərasimdə FİFA prezidenti Canni İnfantino, FİFA Hakimlər Komitəsinin sədri Pyerluici Kollina və FİFA-nın Qlobal Futbolun İnkişafı üzrə rəhbəri Arsen Vengerlə yanaşı, digər tanınmış qonaqların da iştirakı gözlənilir.
Onların arasında Kamerun Futbol Federasiyasının prezidenti Samuel Eto’o, eləcə də Bolqarıstan millisinin və “Barselona”nın əfsanəvi futbolçusu Xristo Stoiçkov da var.
