ABŞ-da yaşayış evində yanğın: 6 nəfər ölüb
ABŞ-ın Nyu-York şəhərinin Bruklin rayonunda ikimərtəbəli evdə baş verən yanğın nəticəsində ilkin məlumata görə, 6 nəfər həyatını itirib, 3-ü yanğınsöndürən olmaqla 7 nəfər yaralanıb.
AFN.az xəbər verir ki, Nyu-York Yanğınsöndürmə Departamentinin açıqlamasında Bruklinin Sunset Park məhəlləsində yerləşən ikimərtəbəli evdə gecə saatlarında yanğın baş verdiyi bildirilib.
200-dən çox yanğınsöndürənin müdaxilə etdiyi yanğının 3 saat davam edən işlərdən sonra nəzarət altına alındığı qeyd olunub.
Açıqlamada yanğın nəticəsində 6 nəfərin həyatını itirdiyi, 3-ü yanğınsöndürən olmaqla 7 nəfərin yaralandığı bildirilib.
Yanğının başvermə səbəbi araşdırılır.
