Eyni gündə 2 SMS kodundan da istifadə edilə bilər
“Gün ərzində 1 rəqəmindən istifadə edən şəxs həmin gün 2 rəqəmindən də istifadə edə bilər”.
“Qafqazinfo”nun verdiyi xəbərə görə, bunu “ASAN Xidmət”in rəhbəri Ülvi Mehdiyev deyib.
O bildirib ki, vətəndaşlar bundan sui-istifadə etməməlidirlər: “Bu sistemin arxasında analitik təhlil dayanır və qısa müddətdə müəyyən edə bilirik ki, bu şəxs bu xidmətdən sui-istifadə edir. Həmin şəxs barədə hüquq-mühafizə orqanlarına məlumat veriləcək. Bu gün karantin rejimi sərtləşdirilirsə, bu, bizim davranışımızdan asılıdır”.
***
Baş Dövlət Yol Polisi İdarəsinin mətbuat katibi Kamran Əliyev əlavə edib ki, 1 kodundan istifadədə limit yoxdur: “2 kodundan istifadə isə limitlidir və vətəndaş gündə bir dəfə istifadə edə bilər: “Gün ərzində vətəndaş hər iki koddan istifadə edə bilər. Ancaq bu sui-istifadə halı yaratmamalıdır. Təhlillər vasitəsilə bu hallar müəyyən olunur və məcbur olacağıq ki, gələcəkdə limitləri azaldaq. Başa düşürük, yay aylarıdır və hamı bayıra çıxmaq istəyir”.
