Britaniya və ABŞ Rusiyaya qarşı: Yeni sanksiyalar hazırlanır
Böyük Britaniya və ABŞ Ukraynadakı vəziyyətlə əlaqədar Rusiyaya qarşı yeni sanksiyaların tətbiqi mümkünlüyünü etiraf edib.
AzVision.az xəbər verir ki, bu barədə Böyük Britaniyanın xarici ticarət naziri Ann-Mari Trevelyan və ABŞ-ın ticarət danışıqlarındakı nümayəndəsi Ketrin Tainin birgə bəyanatında deyilir.
“Müttəfiqlər və tərəfdaşlarla koordinasiyada Böyük Britaniya və ABŞ artıq Rusiyaya qarşı görünməmiş iqtisadi və maliyyə sanksiyaları tətbiq edib, ölkələr iqtisadi təzyiqi artırmağa hazırdırlar. London və Vaşinqton digər beynəlxalq tərəfdaşları, o cümlədən “Yeddilik Qrupu” və Ümumdünya Ticarət Təşkilatının digər üzvlərini Ukrayna iqtisadiyyatının bərpasına kömək etməyə çağıracaq” - deyə bəyanatda vurğulanır.
