Dəmir topları Yaponiyaya kim atır?
Yaponiyanın Kaqosima prefekturasındakı Tokunosima adasındakı sahil xətti yaxınlığındakı mağarada diametri təxminən 1,5 metr olan daha bir top tapılıb.
AFN.az MBC-yə istinadən xəbər verir ki, yerli polis obyektə baxış keçirərək onun boş olduğunu və heç bir partlayış təhlükəsinin olmadığını təsdiqləyib. Topun tapılması barədə yerli hüquq-mühafizə orqanlarına fevralın 28-də məlumat verilsə də, ekspertlər onu dünən araşdırıblar.
Mağaradan çəkilmiş kadrlarda səthi demək olar ki, tamamilə pasla örtülmüş böyük bir top görünür. Topun mərkəzində bir lehimləmə xətti görünür və tərəflərdən birində döngələrə bənzər qövslər var. Yerli administrasiyadan olan ekspertlər tapılan topun keçən ay Şizuoka prefekturasının sahilində tapılan topla oxşarlığının olduğunu deyiblər.
Ötən ay Şizuoka prefekturasının Hamamatsu şəhərinin Tsuboi bölgəsindəki çimərlikdə təxminən 1,5 metr diametrli, metaldan olduğu güman edilən top aşkar edilmişdi. Şarın fotoşəkilləri Yaponiya Özünümüdafiə Qüvvələri və Sahil Mühafizəsi ekspertlərinə göndərilib. Daha sonra şəhər administrasiyasının nümayəndələri tapılan əşyanın metal şamandıra olduğunu bildiriblər.
