Elon Musk qərarı bütün dünyaya elan etdi: Twitter-də yeni dövr
Elon Musk Twitter-də "mavi quş" təsdiq sisteminin bütün dünyada mövcud olacağını açıqlayıb.
AFN.az xəbər verir ki, o rəhbəri olduğu platformada verdiyi açıqlamada "Twitter Approved artıq bütün dünya üçün əlçatandır!" - deyə yazıb.
İstifadəçilərin hesablarına "mavi təsdiq nişanı" əlavə edən aylıq ödənişli abunə xidməti olan "Twitter Blue" həm də eksklüziv yeni funksiyalara erkən çıxışı təmin edir. Xüsusiyyətlərə daha uzun tvitlər, tvitləri redaktə etmək imkanı, 1080p video yükləmələr daxildir.
Dünən şirkət, uyğun hökumət hesabları və çoxtərəfli hesablar üçün boz təsdiq nişanlarına müraciətlər aldığını bildirib.
Twitter-in təsdiqlənmiş hesab sistemi 13 ildir ki, qüvvədədir.
