İlon Mask Twitter-in baş direktoru vəzifəsindən istefa verdi
Twitter-in baş direktoru Elon Musk şirkəti üçün yeni baş direktor işə götürdüyünü açıqlayıb.
AFN.az xəbər verir ki, Musk Twitter hesabında etdiyi paylaşımda, "Twitter üçün yeni CEO işə götürdüyümü elan etməkdən çox həyəcanlıyam. Təxminən 6 həftə sonra başlayacaq" ifadəsini işlədib.
Yeni CEO-dan sonra şirkətdəki rolunun nə olacağını qeyd edən Musk, rolunun məhsullara, proqram təminatına və xidmətlərə nəzarət edən İdarə Heyətinin sədri və Baş Texnologiya Direktoru (CTO) olacağını bildirdi.
Maskın paylaşımından yeni CEO-nun qadın olacağı anlaşılsa da, adı çəkilməyib.
Keçən ilin dekabrında Elon Musk Twitter-in baş direktoru vəzifəsindən istefa verib-verməməsi ilə bağlı sorğu başlatmışdı və nəticəni qəbul edəcəyini açıqlamışdı.
Maskın sorğusunda 17 milyon 500 mindən çox insan səs verib. Sorğunun nəticələrinə görə, iştirakçıların 57,5 faizi Maskın getməsinə, 42,5 faizi isə davam etdirilməsinə üstünlük verdiyini bildirib.
Mask şirkətin idarəçiliyini ələ keçirəcək qədər “axmaq” birini tapan kimi Twitter-in baş direktoru vəzifəsindən istefa verəcəyini, sonra isə yalnız proqram təminatı və server komandalarını idarə edəcəyini bildirib.
Bəzi Tesla səhmdarları Twitter-in Maskın diqqətini yayındırdığına inanırdılar və onun Tesladakı vəzifələrinə diqqətini cəmləyə bilməməsindən narahat idilər.
