Yaralı Ukrayna əsgərlərinin 80%-dən çoxu xidmətə qayıdır
Yaralı Ukrayna hərbçilərinin 80%-dən çoxu müalicədən sonra xidmətə qayıdır.
AFN.az UNİAN-a istinadən xəbər verir ki, bu barədə Milli Tibb Elmləri Akademiyasının prezidenti Vitali Tsymbalyuk bildirib. "Hərbi və mülki səhiyyə sistemlərinin səylərinin birləşdirilməsi sayəsində bu gün yaralı və xəstə hərbçilərin 82 faizə qədəri vəzifəyə qayıdır" - deyə Tsymbalyuk bildirib.
Onun sözlərinə görə, döyüş meydanından evakuasiya mərhələsində ölüm halları 1,35%-ə qədər azalıb. Akademiya rəhbəri ürək yarası olan əsgərlərin Xarkovdakı tibb müəssisələrinə 6-8 saata, Kiyevə isə 12 saata çatdırıla biləcəyini deyib.
Müdafiə nazirinin müavini Anna Malyar bildirib ki, Ukrayna Silahlı Qüvvələrinin tibbi qüvvələri yaralı əsgərlər arasında ölüm nisbətini əhəmiyyətli dərəcədə azaltmağa nail olub.
