"Qalatasaray" Avstriya düşərgəsini "Şturm Qraz" matçı ilə tamamlayır
![](/uploads/posts/2023-07/1689584296_aslanlar33.png)
Avstriyada yeni mövsümöncəsi işlərinə davam edən "Qalatasaray" sabah "Şturm Qraz"la matçdan sonra düşərgə fəaliyyətlərini tamamlayaraq İstanbula dönəcək.
Avstriyanın Qraz şəhərinin Bad Valtersdorf qəsəbəsində hazırlıqlarını davam etdirən Qalatasaray, sabah saat 20.00-da Merkuri Arenada düşərgənin 4-cü və son matçında Avstriya təmsilçisi Şturm Qrazla qarşılaşacaq.
Bu matçdan sonra sarı-qırmızılılar düşərgəni tamamlayaraq İstanbula qayıdacaq.
Qeyd edək ki, Avstriya düşərgəsindəki görüşlərdə "Kisvarda"ya 2-0, "Csakvari"yə isə 4-2 hesabı ilə qalib gələn Qalatasaray Avstriya Wien ilə 1-1 bərabərə qalıb.
Mənbə: İHA