Nyu-Yorkda elektrikli velosipeddən ölüm rekord həddə çatıb
İqlim böhranı ilə mübarizədə təsirli nəqliyyat üsullarından biri olaraq görülən elektrikli velosipedlər Nyu Yorkda rekord sayda yanğına səbəb olub.
Nyu York Yanğından Mühafizə İdarəsinin "Fox News"a verdiyi məlumata görə, elektrik velosipedləri şəhərdə 267 yanğına səbəb olub.
Bu yanğınlarda 18 nəfər həlak olub, 150 nəfər yaralanıb. Bu rəqəmlər 2023-cü ildə elektrikli velosiped yanğınlarından itkilərin 200 faiz artacağı anlamına gəlir.
Rəsmi məlumatlara görə, ABŞ-da 2019-2022-ci illərdə elektrikli velosiped satışları 269 faiz artıb.
Təhlükəsizlik mütəxəssisləri xəbərdarlıq edir ki, elektrikli velosipedlərin litium-ion akkumulyatorları nəzarətsiz şəkildə qızıb partlaya bilər.
Bu batareyalara görə şəhərdə 100-dən çox insan həlak olub.
Nyu-York meri Erik Adams da bir neçə ay əvvəl verdiyi açıqlamada elektrikli velosipedlərin yaratdığı təhlükəyə diqqət çəkib və deyib: "Şəhərdə bu batareyalara görə 100-dən çox insan dünyasını dəyişib. Baxanda görürük ki, bu akkumulyatorlar təzələnib. Mağazalar akkumulyatorları açıb təzələyir, hər kəs bunu özünəməxsus şəkildə edir. Bu, təhlükəsizlik problemidir".
Elektrikli velosipedlərin yayılmasının yaratdığı problemlər yalnız akkumulyatorun həddindən artıq qızması və Nyu Yorkla məhdudlaşmır.
Keçən iyul ayında Kaliforniyanın Encinitas şəhərində elektrik velosiped sürən iki uşağın iştirak etdiyi qəzada uşaqlardan birinin ölməsindən sonra fövqəladə vəziyyət elan edilmişdi.
Bu yaxınlarda Kaliforniya və Oreqon ştatlarının digər yerlərində də oxşar ölümlə nəticələnən qəzalar baş verib.
Mütəxəssislər vurğulayırlar ki, sürücülərin təcrübəsizliyi və elektriklə işləyən velosipedlərin saatda 35 kilometrdən çox sürət yığa bilməsi belə problemlər yaradır.
