"Google" "Gemini"ni seçki ilə bağlı suallara cavab verməsini məhdudlaşdırdı
"Google" "Gemini" adlı süni intellekt (AI) chatbotunun Hindistan, ABŞ və Böyük Britaniya da daxil olmaqla bu il səs verəcək bəzi ölkələrdə seçkilərlə bağlı suallara cavab verməsini məhdudlaşdırmaq qərarına gəlib.
"Google"un Hindistan komandası tərəfindən verilən açıqlamada chatbotdan istifadə ilə bağlı yeni qaydaların tətbiq ediləcəyi bildirilib.
Açıqlamada 2024-cü ildə dünyada bir çox seçkinin keçiriləcəyi və süni intellektin istifadəsində dezinformasiya ilə mübarizə aparmaq üçün "Gemini" adlı robotun seçkilərlə bağlı sualları cavablandırmasının məhdudlaşdırıldığı bildirilib.
"Gemini" seçki ilə bağlı sualları "Hazırda bu suala necə cavab verməyi düşünürəm. Bu arada "Google" axtarış sistemindən istifadə edə bilərsiniz" deyə cavab verib.
"Google "chatbotunun ağdərili insanları qara kimi göstərdiyinə görə tarixən qeyri-dəqiq şəkillər yaratdıqdan sonra tənqidlərlə üzləşib və bəzi tarixi şəxsiyyətlərin şəkillərinin yaradılmasındakı qeyri-dəqiqliklərdən xəbərdar olduğunu açıqlayaraq üzr istəyib.
Fevralın 23-də Google tarixi personajların təsvirlərindəki “dəqiqliklərdən” sonra "Gemini" insan təsvirləri yaratmaq imkanını dayandırıb.
Martın 4-də Hindistan sınaq mərhələsində olan süni intellekt platformaları və tətbiqləri ictimaiyyətə təqdim edilməzdən əvvəl texnologiya şirkətlərindən hökumətdən icazə almağı xahiş edib.
